Offline save hua to receipt print nahi hota (print tabhi jab server par save ho). Bill / payment ka number aur ledger net par sync hone ke baad hi bante hain — tab tak web par nahi dikhta. Net beech me toot jaye to bhi "Saved offline" aa sakta hai — aisi entry dobara mat bharo, sync ke baad list me dekh lo (dobara bharne se do entry ban sakti hain). Sync me server mana kare (jaise wo din Day End me band ho) to entry "dropped" ho jaati hai — upar patti tap karke "Sync done" me dropped count dekho aur wo entry dobara bharo. Offline entry usi clinic login me sync hoti hai; beech me dusre clinic se login kiya to rukti rehti hai.
Net nahi hai to mobile se bill, payment ya appointment save hoga?
Haan, kuch cheezein phone me ruk jaati hain aur net aate hi khud chali jaati hain — "Saved offline" message aata hai: patient chart se naya bill, bill draft (Billing), payment, appointment / visit booking, note, vitals, aur NABH register entries. Baaki kaam (jaise prescription, treatment done, upload) ke liye net chahiye.
Where in ORALZY: Patient Care → Patients → Patient List · Mobile: patient → Bill / Payment / Book visit / Note / Vitals
Quick steps
- Offline me save dabao — "Saved offline" aayega
- Net aane do, ya upar patti "tap to sync now" dabao
- "Sync done" me dropped dekho
- Dropped entry ho to wapas bharo